陳瑞麟拍住曼玉直踩27粒鐘
蜚聲國際的珠寶品牌創辦人兼創意總監陳瑞麟熱衷攝影，由最初影人像到近年影幕後花絮，覺得幕後花絮是真實的故事，當中最難忘的是與張曼玉合作，連續27小時的拍攝中，將她最罕見的一面展現於人前。
熱愛中國文化的陳瑞麟（Dennis）同樣熱愛攝影，認為着旗袍的女人是最漂亮的，所以很喜歡拍以旗袍為主題的相片，但近十年他將鏡頭移師幕後，焦點不在主角身上，而是影幕後花絮，他說：「我嘅品牌成立咗十年，拍過無數廣告，搵咗好多大師級如夏永康、陳漫影廣告相，而佢哋影時我都機不離身，我不停影behind the scene，因為覺得拍攝團隊背後係點冇人知，我好想同人分享呢種氣氛，啲人睇到可感受到背後嘅真實生活。」
為攝影展花三日揀相
Dennis品牌設計的葫蘆首飾，當年因為張曼玉（Maggie）獲得康城影后時佩戴而聲名大噪，而他與Maggie更是結下不解緣，Maggie不但為他的品牌拍廣告相，還參與做廣告創作總監：「我好記得有輯相由Maggie擔任廣告創作總監，佢做嘢真係好認真，凡事一絲不苟，當日我哋連續拍咗27小時，大家都冇瞓過，佢仲要親自幫模特兒化妝、整頭，相信Maggie呢一面，唔係咁多人見過。」Dennis多年來拍攝的照片不下數十萬張，所以早前他舉行的迷你攝影藝術展，單是揀相已花了三日時間，他說：「睇番啲相，啲記憶返晒嚟，令你諗番當中好多故事，有好多都好珍貴好靚，所以計劃出相集。」
文：名人組