謝安琪新搞作細路匿裙底
【陳奕熙澳門直擊】天后謝安琪（Kay）昨日於澳門舉行記者會，正式宣布《拾回謝安琪‧數愛─世界巡迴演唱會」將於10月10日降臨澳門。以金箔長裙亮相的Kay表示今次將會以澳門為首站，再到北京、上海、廣州等地，最後明年4月回歸出生地香港壓軸登場，而澳洲、美國及加拿大等亦是Kay的目標。
自爆有「戀童癖」
Kay又透露：「都計劃好晒會去，所有嘢都傾得好順利，因為第一站喺10月中，好快就會有年尾頒獎禮同新年呢啲大日子，個期要再配合番。」
講到演唱會舉行在即，Kay即興奮提到一直有個願望，想做一條特大蛋糕裙：「入面要收埋100個小朋友衝晒出嚟大合唱，有冇小朋友想報名呀？」Kay又自爆有「戀童癖」，最愛去有小朋友的朋友家。講到籌備演唱會同會將離港工作的老公張繼聰分隔兩地，Kay即笑言：「其實都幾浪漫（口架）呢件事！同埋我哋好鍾意互相探班。」
另Kay今次舉行世界巡唱會與最強製作班底合作，單是燈光舞台設計就請來曾與周杰倫、張惠妹和羅志祥等合作過的台灣導演主理，亦有著名音樂總監Edward Chan助陣，另外，樂手方面亦有來自不同國籍的專業樂手包括Amy Winehouse御用的結他手Robin Banerjee。