小生勁吸168萬觀眾
話題節目《4個小生去旅行》前晚啟播，獲不少觀眾們關注，首集平均收視與最高收視均達26點，即有168萬觀眾追睇，成功突破2013年拍的《3個小生去旅行》首集平均23點、最高25點的收視紀錄，更成為2015年10點半檔期收視最高節目。
對於《4》收視理想，無綫電視企業傳訊部副總監曾醒明表示：「感謝4位小生喺節目內咁落力，上星期記者會都瞓身力谷，雖然否認咗謝賢怒摑曾江事件係宣傳，但的確收到話題，令觀眾期待。（搞宣傳活動撮合番4位？）宣傳立場上當然想乘勝追擊，係傾緊嘅，但幕後都有好多後期工作要做，而且要夾番4位嘅檔期。」而《4》監製蘇敏儀則說：「都係平常心，依家努力咗，成績好當然開心。」