周國賢開騷門票4分鐘搶清

歌手周國賢（Endy）及劉威煌等昨日為廣播劇錄音，相隔兩年半將於九月四日假九展舉行《WE FIGHT LIKE KIDS周國賢LIVE 2015》音樂會的Endy，談及門票在四分鐘就售罄，他謂：「媽咪都擔心唔夠飛畀親戚，嗰日我好晏先起身，牙都未刷就收到好多朋友問有冇方法拎飛。（有冇諗過歌迷原來餓咗好耐？）冇諗過，所以都有壓力，（會否加場？）我做完音樂會第二日就要去澳門拍戲，10月仲有個大型啲嘅騷，都可能會提早發生嘅（加場）。」