鄧麗欣唔錫身　誓打出名堂

曾是港青排球隊成員的鄧麗欣（Stephy）於本年初榮升「班主」，招來多名「長腿球花」及舊隊友組成排球隊「Loey」，經過四個月艱苦訓練，各隊員技術均有所提升，由於當中數名球員因學業及工作離隊，Stephy日前舉行招募球員，吸引半百「球迷」參加，最後選出牛牛、Noel及Don三位新血。

心喬瓣瓣掂

Stephy前晚出席球隊練波，由於球場沒有冷氣，熱到Stephy汗流浹背大玩透視誘惑，她與「球花」之一Joe殺球時露出小蠻腰，更奮不顧身剷地接發球，表現落力。球員實力相當平均，更可分成「重炮組」、「敏捷組」及「長腿組」，以全黑背心示人的隊員心喬最全能，發球、接波、殺波、攔網樣樣掂。

鄧麗欣帶領一眾球員練波，「球花」之一的Joe（左）亦落場。	球隊三位新血(左起)Don、Noel、牛牛。	心喬身手敏捷，發球、接波、殺球、攔網樣樣掂。

book場唔易

面紅紅的Stephy受訪時解釋揀選沒冷氣場練波：「要打出名堂就要刻苦耐勞，依家啲場好難book。（有幾個成員身材好惹火？）咁都留意到？」由於其教練有「魔鬼教練」稱號，Stephy說：「唔鬧點會有進步。（唔怪得你唔錫身？）真係撞到瘀晒，係冇好過嗰隻。」

採訪：音樂組