譚詠麟嘆搵得太遲

女子組合HunterZ成員鄧詠雪(Suetzi)疑被自稱太陽娛樂高層的Garry騙去近四萬元,大前晚報警求助,對方曾展示過與校長譚詠麟的合照證明與他相熟,但校長不認識對方,被借過橋的校長看到本報昨日的獨家報道後,在微博呼籲大家小心:「藝人經常和陌生人合照的情況被動,我年中被要求合照數目有時甚至過萬;若被利用作為騙局只能視作個別行為。」他又對Suetzi受騙感到惋惜:「當天若鄧詠雪能及早聯絡我或我助手結果一定會改寫!」

盼漢洋原諒

Suetzi昨日受訪時透露朋友看到報道後都斥責她蠢,又謂父母得悉後非常擔心。問可有再聯絡Garry?她說:「冇搵喇,唔想聽到佢把聲!(咁咪追唔番錢?)我當買個教訓,我唔怕被人笑都要企出嚟,因為知道自己唔係唯一受害者,唔想佢逍遙法外!」提到她曾有意離開HunterZ,Suetzi表示望得到經理人漢洋原諒,又謂現時希望繼續留在組合。

對於校長在網上回應事件,她語帶興奮說:「我睇到,好開心佢關心我,佢助手叫我報警,唔想我畀人呃,希望之後再有機會合作!」而本報昨再致電Garry的三個電話號碼,但不是無人接聽便是已停止服務。

另外,太陽娛樂唱片部總經理Andy表示警方暫未有聯絡他們,又透露公司高層黃柏高得悉事件後,吩咐同事若警方需要協助,需全力配合。