（１）麥明詩贏到尾：畀力量我
由《東網巨星》Facebook推出嘅《2015香港小姐》民選投票《港姐任你Like》反應踴躍，第一階段的「巴絲心水」投票已經圓滿結束，最後結果經過一個星期的龍爭鳳鬥，「十優狀元」（１）麥明詩由頭帶到落尾，成為民選港姐冠軍，亞軍為（１０）陳靜儀，季軍則為（３）羅丹虹，反而賽前大熱（４）龐卓欣則五強不入，大熱倒灶。
票數大幅拋離其他港姐的麥明詩坦言有壓力：「多謝支持，呢個結果可以畀到力量我繼續走落去，亦希望大家留意《東網》片段，睇到其他女仔專頁都好靚(o架)！」
而陳靜儀和羅丹虹對得票大感開心，並稱此結果令自己更有自信。至於大熱的龐卓欣稱未有為跌出五強而難過，只對部分留言有點不悅：「可能我個名被封為『寸嘴Ada』先畀人誤解我人格，希望喺呢個月內我做得更好！」