雨僑生硬瑜伽Coffee照畀Like

新片《猛龍特囧》昨日在荃灣宣傳，雨僑、林芊妤及唐貝詩撐場，三人與幾位網絡男神參賽者玩高難度瑜伽動作。

着三件衫防走光

自嘲骨頭硬的雨僑表現吃力，做開瑜伽的唐貝詩勉強OK，開班教瑜伽的Coffee當然從容完成動作，事後她讚雨僑做瑜伽有天分。

做開瑜伽的唐貝詩總算應付到有難度的動作。	Coffee有一半學生是男性。	雨僑在Coffee指導下完成動作。

雨僑自爆着了三件衫打底防走光，問是否因上次宣傳露砵仔糕而留陰影？她謂：「嗰次我叫助手買膠紙，佢買咗啲用唔着嘅，所以我冇黐到嘢。我冇炒佢，佢成日畀笑料同歡樂我，我仲喺社交網貼咗同佢嘅合照，啲網友以為佢係羅力威。」

談到心目中的男神，雨僑稱：「我覺得男神準則係要好似張智霖咁，靚仔、好人、好脾氣。（羅力威被指經常黑面。）唔係，佢係天生嘴角向下，呢個係佢放鬆嘅表情，佢對住記者冇防範，至咁放鬆啫！」

林芊妤惹佬埋身

Coffee說前日做瑜伽影相時傷及右腳：「頭先做動作時有啲痛，未睇醫生未知嚴唔嚴重。我有教瑜伽，希望唔會有影響，之前出活動要走堂，學生都有微言。（男學生不滿？）我有一半學生係男仔、男人，或者可以叫做佬。（你嘅「殘廁新聞」吸引佢哋嚟學？）唔知，但我上堂好密實，好多學生上完第一堂都話舒服，我哋仲做埋朋友。」

文：影視組