高海寧讚Jason誠意加分
高海寧（高Ling）、陳智燊（Jason）、金剛及小儀昨晚出席劇集《愛情食物鏈》煞科宴，前晚有份出席宋熙年生日飯局的高Ling即場恭喜Jason說：「我都係比大家早少少知Jason求婚嘅消息，佢肯花時間、花心機求婚，值得加分。（羨慕？）會（口架），不過冇得咁講嘅。（向你求婚要花同跪低？）要（口架）！（巨型鑽戒呢？）咁就要睇佢買唔買得起，不過最重要係搵一個啱嘅人！」
同場的金剛及小儀亦祝福Jason，小儀爆料指拍劇期間，Jason常把宋熙年（Sarah）掛在口邊，已覺得這一對「走唔甩」。金剛說本來想「屈」Jason煞科宴請客，未料Sarah以快將結婚，要對Jason經濟封鎖而作罷！
另方面，多位藝人紛紛在微博祝福Jason及Sarah，龔嘉欣說：「恭喜阿哥阿嫂，完美的一對，超級帥氣好男人加超級賢淑好女人。」昨日是Sarah的30歲生日，一班好姊妹高海寧、張曦雯、胡蓓蔚、陳爽及朱璇等，提前為Sarah慶生，還在網上分享生日會的相，張曦雯留言祝福「年姐」與Jason訂婚，陳爽則祝「未來陳太」：「Happy big 30th！接下來的時光更加精彩。」