蕊蕊驚訝：咁唔小心（口架）
組合HunterZ成員鄧詠雪（Suetzi）疑被騙錢，身為隊友的蕊蕊昨日接受本報電話訪問表示未知此事，她說：「Suetzi冇同我講，我唔知有呢件事。（佢畀人呃咗幾萬蚊喎！）點解咁唔小心（口架）！自己都應該有啲危機意識，不過唔發生都發生咗，希望佢會冇事，我遲啲會打畀佢喇。」
提到自稱太陽娛樂文化高層找Suetzi過檔，蕊蕊坦言接到此類型電話會小心處理，她說：「平時都有中介公司搵我，我都會叫佢先留低電話，之後畀公司處理。（但係話搵Suetzi過檔！）咁我會問吓身邊朋友先，睇吓識唔識嗰個人先決定下一步點做，如果覺得有可疑，我會直接唔理！」