(4)龐卓欣墮後盼洗底
熱門港姐「寸嘴Ada」(4)龐卓欣在《東網巨星》facebook的《2015香港小姐》民選投票《港姐任你Like》暫時三甲不入，更被死敵(1)麥明詩大幅拋離，Ada說：「冇唔開心，可能網民對我印象係睇報道，好似話我係『寸嘴Ada』，大家印象會覺得我冇禮貌、驕傲，真係有啲唔開心，希望用時間證明我唔係咁，喺決賽睇到真正嘅我答問題、處事、對人態度，好有信心大家會改觀，希望到時投我一票啦！」
Ada昨日出席記者會時膚色突然「漂白」，她說：「(5)林凱恩好鍾意試美容產品，佢介紹咗韓國面膜，用咗都嚇一跳，白咗好多。」Ada又表示拍港姐主題曲MV令她明白台上一分鐘，台下十年功的道理。問男友可有呵番？她說：「佢有短訊鼓勵，問咗監製希望畀啲冇出街嘅MV片我哋珍藏。」