周汶錡B仔滿月 美人爭住抱

周汶錡（Kathy）的寶貝仔Jacques仔（雷棨宇）上月３日出世，昨日剛剛滿月，Kathy特地為兒子送上大禮，炮製一個繽紛滿月派對。Kathy於微博分享照片，滿月派對以藍色為主題，擺滿氣球裝飾及有一個兩層高的藍色蛋糕。蛋糕被設計成一部迷你ＢＢ車，裏面坐着一隻小熊，旁邊放了一個巨型奶樽，像真度十足。不過最可愛還是主角Jacques仔，皮膚白雪雪，眼仔睩睩，被媽咪抱入懷中絕無扭計。期間Kathy更用派對哨子逗着Jacques仔玩，簡直幸福滿瀉。

關之琳出手集郵

Jacques仔的萌爆程度，連大美人關之琳都爭住送抱。關之琳於instagram上載一張抱着Jacques仔的照片並笑言：「Hi，Baby Jacques，are you looking for your mom？」而身為姨姨的周麗淇回港第一時間便跑去攬ＢＢ，又在微博晒照留言：「來跟小姨好好聊一下......」Jacques人仔細細，已風靡萬千美女。

Niki前晚出活動時，自爆愛上湊Ｂ，最怕北上工作冇得見。	Jacques人仔細細，已集姨姨Niki與媽媽周汶錡寵愛於一身。	大美人關之琳昨日上載抱Jacques仔照片。

四代同堂晒幸福

而前晚周麗淇（Niki）出活動時，就自爆剛從家姐家吃了紅雞蛋慶祝ＢＢ滿月：「依家最想係見ＢＢ，我怕我走咗之後佢會唔同樣，不過佢依家都成日唔同樣。我今日餵咗奶，佢又有游泳。」

Niki直言愛上湊Ｂ，更大讚Jacques好靚仔：「點都靚，無論掃風、瞓覺、游泳、依依呀呀、喊樣。（快啲同男友生番個？）唔使，依家屋企人所有嘅集中力都喺佢度，過多幾年先。屋企依家好熱鬧，四代同堂，今日婆婆都喺度。（男友見過ＢＢ？）無呀，我自己都成日飛。一落機即刻問我家姐ＢＢ瞓咗未？我家姐話『乜你唔係嚟睇我嘅咩？』我遲吓又要返大陸，到時佢哋搞百日宴我都唔喺香港。」

文：名人組