梁漢文戰鬥格向杜德偉挑肌
歌手梁漢文（Edmond）即將於8月11至12日在紅館舉行的一連兩場《梁漢文紅館中場表演2015》演唱會，昨日Edmond現身為個唱綵排，期間更雙手拉起女舞蹈員，大晒個幾月來苦練舞技的成果，Edmond笑言到最後一個星期就無謂隱瞞，事實上服裝暴露程度很少。講到苦練的腹肌沒機會大派用場，Edmond似留後着說要向開騷脫剩「閃爆底底」的杜德偉挑「肌」：「暫時咁講啫，可能到最尾我會效法杜德偉，脫掉！我今次要贏杜德偉，佢話會嚟睇，我就挑戰佢！」
人生首次減肥
Edmond又講到今次為了演唱會首次減肥：「我依個幾月係我人生食得最少嘢嘅日子，我咁大個人都冇減過肥，依排好落力跑步，2012年之後我狂舉重，大隻到好似外國人咁，依家要跑步收番啲，啲腹肌都開始出番嚟。」Edmond又講到以前又打拳又踢波，不過因為怕會受傷已停操，只以跑步和游水減肥。
另外，Edmond透露演唱會中亦會有冧老婆的歌：「其實唔係我想，係排舞師佢哋話不如叫老婆上台，本身有隻歌係講太太，但我哋梗係唔制，可能到時你哋逼佢上台，咁佢就實上。」
文：音樂組