劉浩龍反省60日承諾檢點
劉浩龍兩個月前因在社交網上載一篇「污糟手論」，引來不少人圍插。盛傳遭公司掟入「雪櫃」的浩龍，「潛水」了六十日，終現身開腔向大家道歉，聲稱有自我反省，承諾日後會對自己的言行檢點。
劉浩龍因其「污糟手論」自行「潛水」失蹤，昨晚首次露面，到銅鑼灣一酒店出席經理人黃柏高的生日派對，並主動向傳媒說：「好耐冇見，我知你哋好多嘢想問，我自己都有啲嘢想講。」就「污糟手論」親自回應：「我有不停反省呢件事，喺facebook、instagram亦有寫番啲嘢，如果當初見到個post有hard feeling（難受），我都想同大家講句對唔住，以後會檢點啲。」盛傳遭公司「雪藏」的浩龍，被問到「潛水」兩個月是否一種懲罰？浩龍說：「啱啱做完演唱會，多番啲幕後工作，呢兩個月我錄咗3首歌。」有指他的一番言論令女友容祖兒也受連累，他說：「當然，自己都因為咁唔開心，唔希望連累任何人。」當日剷走「污糟手論」的貼文，他說：「係公司叫我咁做。」
否認七萬租屋
對連串負面新聞，浩龍更趁機澄清，有指他突然豪租貝沙灣，又換名車，仲耍大牌點助手拎行李，他逐點解釋：「搬屋係真，公司幫我揀嘅，但唔係報道講要七萬租；架車換咗成年，係二手車；扮大牌件事，嗰日去珠海我只係孭咗背囊，冇其他行李。」他更否認向好友借百萬。浩龍這邊廂連番澄清，女友祖兒則上載與細佬為媽媽慶生照片。
太陽娛樂老闆周焯華也有到賀柏高，影大合照時周焯華不介意坐地下，影到一半他笑說：「我要換一換腳，因為整親籮柚。」其他出席藝人包括許志安、鄧麗欣、方力申、楊千嬅等。
文：音樂組