畏高胡鴻鈞攀崖搵命博

歌手胡鴻鈞（Hubert）日前到石澳懸崖邊為新歌《相信明天》拍攝MV，外柔內剛的他更獻出「第一次」，處男下海攀山！為免發生意外，公司安排了逾20個工作人員幫忙拍攝，又找來一隊專業攀石人士輔助，為拍得壯觀效果，公司更出動航拍機。而Hubert亦做足安全措施，穿上安全褲的他驟眼看疑似「激凸」，當日他從早上拍到下午，期間頂着太陽滿頭大汗拍攝，幸好沒有中暑，現場見他不停在懸崖邊攀上攀落，中間休息一會又再努力練習，十分專業！

抗拒除衫騷肌

做開運動的Hubert受訪時表示從未攀山，今次挑戰是為了配合新歌勵志的主題：「首歌係講對未來有盼望，我今次都做咗啲冇諗過會做嘅事，做到嗰刻都幾正，克服咗一個心理關口！」親身上陣攀山的他坦言一開始很驚：「自己有少少畏高，驚離心力，尤其落去嗰吓要鬆繩，嗰吓好似要跌落去咁，但慢慢慣咗都冇嘢。」

畏高的胡鴻鈞在懸崖邊拍MV，見到都覺牙煙。	公司安排多名工作人員協助拍攝。	現場出動航拍機，甚為大陣仗。

Hubert又透露事前沒練習：「一嚟到教練就教我，我試咗幾次開始掌握到，同埋說服自己要相信團隊，所以克服到難關。（唔除衫騷肌？）嘩！除衫唔好啦，依家疏於練習，啲腹肌慢慢唔係咁顯眼，而且攀山通常唔會赤裸，因為易擦損。」

拉許廷鏗落水

外表斯文的Hubert謂試完攀山覺得挺好玩，笑言有意帶好友許廷鏗來玩：「既然佢呢排進行緊個『還我瘦鏗』計劃，攀山都係幾好嘅項目。」

文：音樂組

攝：吳文聰