陳凱琳父母夾計護戀情

藝人陳凱琳(Grace)與陳瀅出席活動時,熱戀中的Grace談起男友時甜絲絲之餘更妙問妙答,連到場的父母都轉數極快,配合囡囡將戀情保護!

陳凱琳(Grace)與陳瀅昨日於九龍塘出席商場活動,配合主題以粉紅色裝大晒美腿,而Grace的父母亦有到場,其父更充當龍友為囡囡拍下美照。與鄭嘉穎熱戀中的陳凱琳提到男友就一副甜絲絲的表情,Grace指到場的媽媽亦穿上粉紅色裝來支持自己,可謂襯到絕!至於會否與男友亦襯到絕出街?她說:「唔知呢!不過我覺得我着粉紅色靚啲!」

提到在無綫節目《超強選擇1分鐘》中,許多受邀的嘉賓女星都性感上陣,Grace謂未收到通知會上節目,至於會否以泳裝示人?她謂會密實上陣,甚至改穿印有泳裝的T-shirt,被問是否擔心男友呷醋?Grace即醒目指自己較保守,而且每個人美感不同,未有覺得身材輸蝕。被問是否已有懂得欣賞她的人出現時,她即謂:「爸爸媽媽囉!有兩個添吖!(第三個?)細佬!」

陳瀅交好姊妹畀嘉穎

早前被拍得到橫店探嘉穎班及二人同遊法國的她,一提事件又再轉移話題,被問何時再去探班時,她說:「唔啦,要拍劇。(去完法國去邊?)留喺香港,希望仲有劇拍吖嘛!」Grace的父母被問是否喜歡嘉穎時,Grace父謂:「問番Grace啦,都唔關我事!」Grace母亦接住指:「我啱啱落機,有時差吖!」一家人配合得天衣無縫!

陳瀅則被問見Grace拍拖可有羨慕,她則謂:「隨緣啦,拍劇嗰時都好想保護佢,依家將任務交畀人(鄭嘉穎)啦!」

文:影視組