顏子菲膽生毛恨拍動作戲
藝人顏子菲、周家怡、蔡國威、劉錫賢及王宗堯等昨日出席電影首映，提到荷里活影星湯告魯斯（Tom Cruise）於新片中，親身上陣拍攝危險的動作場面，子菲直言恨拍動作戲：「啲人話我膽生毛、唔知驚，希望可以參與到驚心動魄嘅場面，我都好想玩笨豬跳、跳傘，雖然心裏面未克服到，但覺得有朝一日應該要做。」
談到亞視新聞誤報王維基買亞視，前日遭通訊局重罰三十萬元，顏子菲表示身為媒體、電視台，應與藝人一樣要說話負責任，對他人有正面影響：「亞視新聞都係忠於事實報道、緊貼時事，希望唔好再犯呢啲錯。」
同場的周家怡則笑言，能拍飛車戲會很開心，又透露稍後或到內地參與慈善賽車，談到苟芸慧日前360度炒車送院，問到怕否發生意外？她說：「應該冇嘢，好安全。（試過開最快係幾多公里？）落場最快開180公里，掟彎都有小小勁，係初戀男友教我飛車。」
