吳啟華曖昧埋身蔡思貝尷尬

吳啟華為拍劇留港,與愛女分隔異地,為了工作即使關係變差亦無辦法:「好過喺香港長時間對住個工人」。而啟華與蔡思貝於新劇中關係曖昧,思貝坦言面對前輩拍檔,做對手戲時大感尷尬兼怕醜。

藝人吳啟華、蔡思貝、滕麗名(阿滕)以及李施嬅(原名:李詩韻)等昨日在將軍澳電視城,出席無綫新劇《純熟意外》開鏡拜神儀式。啟華今次為劇集犧牲了不少與囡囡相處的時間,事關囡囡現時正在長春預備於九月份開學,需留港開工的啟華說:「佢之前都去咗日本玩,同埋九月開學之前,佢都有好多預備班要讀,學好多嘢,又鋼琴又跳舞。」

無懼父女關係差

不過啟華暫時無意送囡囡來港讀書,更大讚囡囡就讀的國際學校於全國排名第七。問他會否怕父女關係生疏?已睇得好化的啟華說:「都無辦法(口架)喇,好多父母都要做嘢(口架)啦!同埋佢嗰邊除咗外婆湊佢,都仲有好多親戚,好熱鬧,返嚟香港我都係要做嘢,喺長春好過喺香港長時間對住個工人。」

已為《純》劇開工數天的思貝,則大讚主力對手啟華無論戲裏戲外都很有紳士風度,更笑言合演時感到尷尬,思貝說:「因為佢係前輩嘛。(NG多?)又冇喎,因為暫時都仲係拍啲怕怕醜醜,唔使特別去演。」思貝更透露劇中與啟華關係曖昧,惟未知有否親熱戲份。

滕麗名舒服賺錢

而阿滕則笑言今次劇集拍得輕鬆,在劇中專責調查欺騙保險案件的她,笑言自己廠景多又不需開槍、飛車:「本身我仲買咗幾把充電風扇仔留嚟外景用,依家可以送畀有需要嘅人!我都係第一次咁,好似套劇純粹幫我賺錢咁!」

文:影視組