邱李茂琪瘋狂尋酒記
溥儀眼鏡行政總裁邱子傑早前偕同太太邱李茂琪（Margaret）及子女到杜拜旅遊，適逢杜拜齋月，令熱愛杯中物的Margaret在杜拜上演一幕尋酒記，為一杯啤酒尋遍整個杜拜。
邱子傑伉儷早前趁子女放暑假舉家到杜拜、西班牙及意大利等地旅行，他們抵達杜拜首天，才知道當地正值齋月，Margaret笑言難怪街上的遊人特別少，她說：「喺呢段時間，公共場合都唔煙唔酒，我簡直癲咗，因為我習慣每日會飲少少酒，第一日去到都攰就算，第二日好想飲杯啤酒，周圍打聽邊度有得飲，又上網搜尋，終於畀我搵到個地方可以飲酒，但去到原來唔畀着短褲入場，咪專登返酒店換衫再去過。」為了品嘗杯中物，Margaret可以不顧一切。
誤闖天體沙灘
他們此行還首次乘坐郵輪，暢遊意大利及西班牙，在西班牙期間亦發生趣事，有天邱子傑帶同子女在當地踩單車觀光，誤打誤撞進入一天體沙灘，Margaret說當天她不在場，起初還擔心對只有12歲的囡囡會有壞影響，她說：「我仲驚個女會有陰影，點知佢同我講，學校一早有教性知識，其實我哋同仔女一向乜都講，總好過佢哋好奇。」
文：名人組