蔡一鳳 X 盛品儒包剪揼息風波

蔡一鳳（Michelle）與盛品儒（James）由相識拍拖到注冊結婚只是短短的一年時間，遇到命中注定的另一半，不需要再用時間去考驗，所以他們一點也不覺得快，James說：「時間啱啱好，當遇到啱嘅人，拍拖幾耐唔係問題，而且我年紀都唔細，結婚係時候。」兩人於去年11月註冊，定於今年10月8日在四季酒店筵開30席，對於婚宴兩人均十分緊張，足足花了大半年時間籌備，而為了有更多美好的回憶，他們一共影了三輯結婚照，一輯是遠赴浪漫之都巴黎的晚禮服照，另外是在香港的影樓由著名攝影師Charles Cheung拍攝的生活照，之後還會拍攝正統的白色婚紗照，由於婚紗是在巴黎Vara Wang度身訂造，至今還未送到，Michelle表示已很期待第三輯照片。

抱妻吃力

Michelle與James早前抽空到影樓拍攝生活照，Michelle十分花心思，分別帶了兩套連身裙，一套是白黑色、另一套則是彩色，有着很大的對比，還出動自家品牌Marvella的名貴首飾。拍攝時兩人十分合拍，擺出多款恩愛的甫士，其中一款James要將Michelle整個人抱起，難度甚高他顯得有點吃力，但James完全配合，還笑言要練好啲體力。期間Michelle提議拍得意的表情動作照，James起初不太習慣，但依然聽太太話，做出多款得意表情，影出來的效果更是喜出望外，兩人看完相片均捧腹大笑。而為了在擺酒當日有更多甜蜜照片與賓客分享，早前他們到歐洲旅行，還帶同攝影師，為他們在意大利、希臘拍攝靚人靚景的照片。

鬥cute	放大圖片	心心相印

互笠高帽

夫妻相處之道，最重要包容，兩人提到對方的優點時，即時互笠高帽，James大讚太太：「佢好靚女、又叻，心地善良又樂於幫助人。」Michelle即時回敬說：「老公好靚仔、EQ好高，好有教養，有禮貌，好少發脾氣，人緣又好。」至於有否意見不合而爭吵的時刻？Michelle說：「都會有，但好快冇事，一有嘢唔啱就會坐低慢慢傾，我哋識咗咁耐，嗌交機會十隻手指數得晒。」James補充說：「如果傾唔掂，我哋會包剪揼，邊個贏咗邊個話事，不過好多時都係老婆話事多。」而婚後會否火速造人？James說：「會，一定會，我係好傳統嘅男人，一定會要小朋友，我哋計劃下年生BB，因為大家都創立咗自己公司冇耐，好忙，成日飛嚟飛去，見面時間真係唔多。」

放大圖片	相依相偎	抱抱嬌妻

夫唱婦隨

Michelle與James均是大忙人，為工作不時要周圍飛，但為能有更多相聚的時間，他們很懂得寓工作於娛樂，James說：「依家工作只要有部手提電腦，好多都可以做到，所以如果就到時間，老婆會陪我飛，或者我陪佢飛，一邊工作一邊玩，好似之前我哋去咗歐洲，就係做嘢同埋玩，影吓相。」Michelle接着說：「係啊，我去法國傾珠寶生意同埋睇舖，跟住又去米蘭睇傢俬，之後又陪老公去德國做嘢，嚟緊老公要去日本同埋韓國睇展覽，咁我都會去。」

即興希臘之旅

盛品儒與蔡一鳳為了在擺酒當日有更多甜蜜照片與賓客分享，早前他們到歐洲旅行，還帶同攝影師，為他們在意大利、希臘拍攝靚人靚景的照片。Michelle透露今次希臘之旅完全是即興，難得兩人可以有個假期，所以就飛了去玩幾日，幸運地他們想入住的酒店，剛巧有人退房，令他們有機會入住，Michelle說：「我哋都未去過希臘，想去relax吓，同埋影吓相，嗰度真係好靚，啲嘢好好食，好值得去。」

採訪：Jessica Lam

攝影：劉斌