又到一年兩季的高級訂造服騷，每場都是一眾女星爭艷之地，穿上同一個品牌的服裝，就即時高下立見，早前品牌Valentino在羅馬舉行高訂騷，一眾中韓及外國星出席，星級造型師郭慶彬（Ricky）大讚美國名媛Olivia Palermo全場最美，反而青春無敵的韓星秀智造型老餅！
「我覺得佢全場最靚，好似仙女下凡，始終栗色頭髮白皮膚有優勝，佢身形真係唔高，比例着得好修長，件衫真係好靚，唔算性感，但有若隱若現美感，好有霸氣。」
「黑白色裙着得好好睇，佢唔係高瘦身形，呢條裙着得佢好修長，同埋中門大開性感得嚟好高貴，好啱場合，黑白係易着。」
「條裙靚，但佢着得好成熟，有啲老餅，雖然係一條名牌戰衣，但係效果麻麻哋，長袖款式好似遮咗佢身形，嘥咗。髮型好悶，好『嬲休』，梳番個女性化頭髮會好啲。」
「全白晚裝好搶眼，但令佢有少少肥，但款式夠型，佢啱哥德式設計，好襯佢個樣，加一對耳環就夠trend，依家唔算好靚，唔錯，勝在白色夠夏天同高貴。」
「條裙好似同佢度身訂造，最靚又唔算，不過好睇，我鍾意裙款好清新同淡雅，素色打扮都好好睇，條裙比例啱啱好，不過佢髮型成熟咗，都好睇嘅。」
「我幾鍾意佢嘅打扮，紅色好壓場，有艷紅張力，闊身款裙都幾啱佢，着得一啲都唔肥，呢幾季都興loose cut設計，望落去幾有型，唔一定花樽身形先靚，我鍾意低V位，好有時代感。」
星級造型師郭慶彬（Ricky）的配搭功架深受女星讚賞，是型媽吳君如、「大美人」李嘉欣與「玉女掌門人」周慧敏等的御用造型師，在業界備受肯定。Ricky亦是一眾品牌之友，經常被各大品牌盛邀出席米蘭與巴黎時裝周，還會為品牌在尊貴活動上充當講師，與VIP分享與傳授配搭之道。