潘芳芳難明家長冇揀相
藝人潘芳芳昨日出席書展活動跟小朋友講故事，提到楊鎧凝的相集風波，她說：「事件牽涉好多層面，小朋友自己唔會話影，好睇家長同書商出呢本書嘅原意，係想帶啲咩訊息畀人，人哋點睇同睇到啲咩比較主觀。至於有色眼鏡呢樣嘢好難控制，有時睇廣告都會有小朋友着住尿片走嚟走去。（佢媽咪話自己冇參與揀相。）我自己出書嘅話都會跟到好足，如果係話冇都好奇怪。」
陳琪籲放條生路
而陳琪大女胡芷苓昨日以學校代表身份，於書展表演英文Rap及舞蹈。陳琪談到相集風波，她說：「相信家長同攝影師、出版商都唔係想傷害小朋友，某程度上係踩咗界都冇留意到，以為係少女咁影，忘記咗少女同小朋友嘅分別，希望大家放佢哋一條生路啦！佢哋都需要空間，壓力好大。」
