黃愷傑學飛 難為了媽媽
藝人趙雅芝與兒子黃愷傑昨日出席慈善活動，首度以母子檔行善，趙雅芝坦言只要遇上好劇本及角色，不排除與兒子合作拍戲！近日黃愷傑在內地接受飛行訓練，趙雅芝承認難免會諗好多問題。
昨日趙雅芝與兒子黃愷傑（Wesley）同出席《仁濟醫院探訪長者及派福袋》慈善活動，聯同仁濟醫院主席林煒珊組成義工隊，探訪上水屋村的獨居長者，更無懼酷熱的天氣在戶外大派福袋！趙雅芝說與Wesley經常為慈善出力，但今次則是母子首度公開行善：「佢畢業後，第一次同佢喺公開活動做慈善，以往都有分開做義工。」
揸飛機爭冠軍
Wesley近日忙於在內地拍攝真人騷《壯志凌雲》，坦言工作量令他分身不暇，節目中他將接受連串飛行訓練，與內地多位明星像夏雨、張雨綺等星級參賽者同爭冠軍：「揸飛機其實係我嘅夢想。（之前有冇學過？）冇揸過冇學過，坐飛機就多。（仲拍緊？）昨日播到第二集，已經淘汰咗一個人。」
趙雅芝可有擔心兒子？她說：「初初聽到會諗好多問題，不過應該冇咩嘢嘅。（考慮一齊拍戲？）冇話一定唔拍，遇到好劇本同角色先啦。（親子真人騷呢？）暫時唔會。」Wesley即在旁搞笑的說：「都冇《媽媽去哪兒》！」
新劇反應正面
她有份參演的劇集《風雲天地》收視被指欠佳，趙雅芝反指劇集在朋友圈非常受歡迎：「朋友話睇完幾集幾感動，反應好好、好正面。（主動要求自己鏡頭有美化效果？）初初同經理人傾呢部戲，都擔心因為高清，製作方知道後加咗啲效果，我睇番套劇先知有，對我係一個經驗，大家要多啲溝通。」
文：名人組