吳若希憧憬結婚

歌手吳若希前晚為了出席《2015勁歌金曲優秀選第一回》,擔任翠翠姊妹團成員的她要早走「被迫缺席」,慨嘆冇得搶花球:「我同其他姊妹預先講咗,邊個搶到花球都要多謝我,因為少咗我在場同佢哋爭。(你好恨嫁?)見到翠翠覺得好幸福,其實我睇見人哋結婚,都會有憧憬,到我結婚嗰刻會點呢?見翠翠爸爸講到喊,好感動,好羨慕!」

昨日吳若希出席活動時不忘恭喜新娘子:「想翠翠快啲生B,我想約佢食飯。」