欣宜吸父能量 學戲吹秋風
鄭欣宜自嘲「貪得無厭」，對音樂、演戲都具雄心壯志。在演藝方面，欣宜會透過觀察爸爸鄭少秋來偷師，盼能做個全能藝人！背負「星二代」之名，欣宜對於外界的種種「指控」，則霸氣表示：「I don't care！」
身形常成焦點的鄭欣宜，日前接父親鄭少秋棒成為「位元堂」代言人，並拍攝廣告，坦言現在已暫停減肥的她，仍會努力調理好身體：「我由25歲起就食含中藥成分嘅保健品，因為尤其係我哋呢行，食瞓唔定時，日夜顛倒，免疫力會差啲，所以食啲藥性溫和嘅保健品補吓！啲朋友都會問我點解成日都咁有『電』，可能同呢樣嘢有關。」
邊睇邊入腦
欣宜剛拍完動作片又出新歌，問日後發展方向會側重哪方？她笑指自己貪得無厭，望做全能藝人：「好感恩可以喺唔同方面都有機會發展，貪心啲講，我想做全面藝人，又想唱歌又想做戲！」談及演技，欣宜自爆透過觀察爸爸偷師：「爸爸設計角色好詳細，無論語氣表情都兼顧到。但我又冇直接問佢心得，反而一路睇一路有好多問題喺腦入面，究竟佢點抽離？佢嗰排會唔會行路都大聲啲粗魯啲？遲啲要問吓佢。」
豁達對指控
背負「星二代」之名的欣宜，對於外界種種「指控」，她直言「I don't care」，並指做到自己喜歡的事就夠，不用理外人目光：「做到自己鍾意嘅嘢，唔好傷害到人就得。以前好介意人哋標籤我係星二代，入行hea做，但慢慢發覺其實我同自己嘅工作團隊覺得唔係咪得囉！」
文：鄧倩兒
攝：黎志輝