莊端兒食卡通落肚

藝人莊端兒(Xenia)成日與男友張致恒周遊列國,發掘了不少新奇有趣的美食,最愛日本美食的Xenia早前就到卡通人物主題的cafe品嘗美食,Xenia表示:「我比較鍾意蛋黃哥,但食物選擇唔多,而且蛋壽司好快賣晒,我食咗隻蛋,唔算好好味。」

雖然Xenia並非特別喜愛卡通人物,但對主題cafe情有獨鍾,她說:「布丁狗唔係我鍾意嘅公仔,不過整出嚟,賣相好,食物水準亦都好好,飲品都好精緻,朱古力同黃色雪糕同白色cream,顏色夾埋好靚,睇到我唔捨得飲。」除了可愛美食外,她更愛蟹膏沙律,大讚新鮮又大件夾抵食,「食」而忘返。