王菀之耍花槍瞓地下

王菀之（Ivana）為新片《玩轉腦朋友》配音，故事圍繞主人翁腦內存着多種情緒感覺，她今次負責演繹「愁」，Ivana笑指：「角色幾配合我本身的角色，容易情緒低落同多愁善感，有時更會扭同事同經理人計，話做到咁攰可唔可以放吓假？」她又自爆會向男友扭計：「記得有次因為互相替對方着想，有唔同意見，我諗唔到解決方法，直情瞓喺地下兩粒鐘唔郁，直至佢半扶半抱起我。」談到男友即露出幸福表情，她直言自己欣賞對方，有大師風格，二人想法相似，默契十足，更笑言隨時覺得有需要就會去結婚。