無綫藝人張秀文與翟威廉昨日出席由他們主持的旅遊節目《滾動四國》，翟威廉表示此行有全裸浸溫泉，呈現真實的日本澡堂文化，秀文被問到性感程度不及對方可會感浪費時，她笑言：「浸咗兩個溫泉，喺酒店就性感啲嘅！（全裸？）我自己浸就會，但拍攝嗰陣就包毛巾！」
翟威廉笑指為遮掩重要部位，不斷找物件來遮：「我哋拍嗰時好趕，仲要研究有啲咩可以遮！」秀文即插嘴謂：「係呀！要遮住嗰一點！」翟威廉則尷尬表示：「唔係一點呀！」
