港姐三度面試 洪永城耷晒頭
港姐佳麗經過兩次面試後選出十六強，將於明天首度會晤傳媒，不過無綫有別以往，昨日神秘地於電視城進行第三度面試，會見高層評判樂易玲、余詠珊、陳旭亮等。當中「高挑Charlie」麥明詩穿着白底花裙示人，人緣似乎甚佳的她，與「大口黃心穎」劉聖雪（Dana）孖住同行，期間有講有笑，狀甚老友！反觀「寸嘴Ada」龐卓欣就成為孤獨精，單獨尾隨。
大部分女仔昨日都打扮斯文，唯獨是吳佩欣（Sylvia）穿着吊帶露肩裙搶鏡。一班女仔吃完晚飯後，在（車立）口遇上洪永城（Tony），怕醜的Tony一直頭耷耷，不敢正眼望班女仔，事後他笑言因為自己單眼皮、矇豬眼，怕引人誤會。是否怕緋聞女友唐詩詠呷醋？他否認並笑言：「我頭先問自己係咪上咗天堂，咁多天使嘅！」向來口甜舌滑的他，博得一眾女仔歡心。
