謝安琪帶囝囝欣賞「公」架

闊別香港人十八年的荔園遊樂場終於再現香江，昨日在中環海濱活動空間舉行開幕儀式，殿堂級歌手徐小鳳、藝人黎燕珊、鮑起靜、斑斑、李影、梁淑莊等應邀到場，同時又邀得謝安琪為大會獻唱主題曲，Kay表示歌曲《最初的快樂》是由早前宣布榮休的顧嘉煇所寫，今次亦是首度公開演出該曲。

計劃暑假全家旅行

自言屬七十、八十年代的Kay表示小時候亦常去荔園玩，對此充滿回憶，她說：「以前係爸爸帶我嚟，佢眼界好準，每次都掟到好多香口膠畀我，簡直係英雄。」同時又稱會帶兒子張瞻來玩：「一定會帶佢嚟睇吓，感受吓我哋以前遊樂場係點，會帶埋公公嚟，畀個仔知道公公有幾勁。」

黎燕珊與徐小鳳均對荔園有不少回憶。	暑假將至，謝安琪計劃與老公及兒子出外旅行。（資料圖片）	一班昔日藝人難得歡聚。

Kay又稱過往每次帶兒子到外地的主題公園玩時，均能滿載而歸，她說：「有張繼聰喺度，佢打慣籃球，所以掟公仔都好準，個仔成個房啲公仔都係咁贏返嚟。」談到暑假將至，Kay透露正計劃一家人到外地旅行：「我想同爸爸媽媽、老爺奶奶一齊去，地點由個仔揀，我諗佢都係揀有主題樂園嘅地方。」

徐小鳳尋兒時回憶

至於徐小鳳直言今次應邀出席是來尋找兒時回憶，雖然以前未曾在荔園獻唱，但亦相當難忘荔園的碰碰車和掟香口膠遊戲，她說：「我肯定會帶埋朋友再過嚟睇吓。」

文：音樂組