黃美棋膽粗粗 亂咁嗌瘀爆

黃美棋穿上大露背裝，展示白滑玉背。

黃美棋日前抽空到澳門酒店戲水，以透視泳裝晒背上陣，她更大膽試玩超長滑水梯及激流！美棋ＢＢ特意帶備防水攝影機在水中拍照及拍片，但事後她翻看所拍的短片時，竟發現自己在透明滑水梯上滑行之際，被梯下的大叔舉機狂影pat pat！問到美棋曾否發現被人偷拍其身體的敏感部位？她即大呼：「冇試過呀！我喺屋企睇番段片先大嗌『點解有個叔叔影我pat pat嘅』，嚇死我喇！」

美棋透露近日忙於趕拍電台劇集，晚晚工作至通宵達旦。直言快被「chur爆」的她趁有兩天假期，即急急腳到澳門晒泳裝戲水，實行解放困倦的身心！

美棋於酒店內大玩特玩。	黃美棋於透明滑水梯滑行，卻被一位大叔舉機拍照。	穿了泳衣打底的美棋BB，慶幸沒有太猛烈的陽光。

趁天陰行下水禮

美棋表示原本擔心落雨或雷暴而無法進行「下水禮」，但幸好天公作美，她說：「我好驚天氣差落唔到水，但好彩淨係陰天，仲唔會曬黑！」而她又自認不諳水性卻十分貪玩，膽粗粗挑戰超長滑水梯：「我唔識游水，但又好想試玩！（唔驚飲飽池水？）好驚o架，我一滑入條滑梯就嗌到拆天，完全唔知幾時到地！」美棋自爆其驚青表現惹人側目，更搞笑自嘲「好瘀」：「原來泳池水深得1米2，我企到落地有餘。等我仲以為會浸親咁狂嗌，搞到玩完滑梯個個望住我！」

文：影視組