邵仲衡前晚到電台接受吳綺莉訪問，早前涉及虐兒案的吳綺莉，已獲警方無條件銷案，如今她與女兒卓林多了溝通，她說：「我嘅教育方式較老土，卓林又太認真，例如我話佢肥，佢會好介意，依家會諗佢感受先。」她指卓林正學打鼓及菲律賓魔杖，更有意學槍：「佢話驚去到美國唔識用槍，無啦啦去咩美國開咩槍，九唔搭八！但佢肯學嘢好上進。」
邵仲衡自爆在網上投票當選「最想變攣男星」第三位，笑言「鍾意女人」的他不介意接拍同性戀角色或拍三級片：「裸露係演員嘅一部分，但唔可以為裸而裸。」
