陳細潔做大戲籌善款

保良局副主席陳細潔(Abbie)、九巴後人雷兆光、粵劇名伶蓋鳴暉等前晚出席「保良局慈善粵劇晚會」,Abbie、蓋鳴暉及一眾總理粉墨登場演出《花染狀元紅》,晚會籌到約三百萬善款。

Abbie表示眾人戲裝上陣像開派對般,戴上頭飾的她,覺得樣子顯得瘦了:「不過化妝要個幾鐘,都有練習過造手,有蓋鳴暉教。(要唔要唱?)有幾句對白。」胞姐陳小寶亦會到場欣賞她的演出,計劃下年延續這個環節。

入行廿五年的蓋鳴暉有廿二年幫保良局籌款,提到總理主席首次粉墨登場,她說:「畀佢哋着上戲服,感覺吓藝人其實唔簡單,舉手投足,感覺都係得來不易。」她又透露早前演出受傷的拍檔吳美英,休息三個月後已痊愈。

而雷兆光單拖到場支持朋友,對中國音樂如古箏、古琴有興趣的他會幫樂手錄音,又說:「細時婆婆鍾意睇粵劇,受到薰陶,多年前我都演過粵劇,有機會都想再演。」