藝人麥長青（麥包）昨日到紅磡出席「親子搖控車大比拼」，他說：「女兒送咗個袋畀我賀父親節，而12歲嘅囝囝就做家務當禮物，平時我會摸佢肚dum，佢話爹哋，唔好咁gay啦！其實間中佢都會錫我。」
麥包又斷言女兒冇拍拖，他說：「佢15歲，由細到大都教佢讀書先。佢同我講話過咗反叛期，我覺得未，但依家啲後生以為識，同你拗，唔緊要，我將我經驗話你聽，你自己諗，個仔搞笑話，爹哋，依家啲嘢唔逼得o架！畀佢激死！」
