阿倫叫潘源良 唔着衫講波

譚詠麟(阿倫)前晚擔任潘源良作品展的壓軸嘉賓,身穿橙色西裝外套的他唱畢《半夢半醒》後,坦言對潘sir懷有歉意:「因為我宣布唔再攞獎之後,佢先寫呢首歌,但我極相信呢首歌係一定會攞獎嘅!」潘Sir表示獎項不重要,最重要是阿倫教曉自己不少東西,又透露曾有一段時間情緒非常低落,阿倫就以電話錄音鼓勵他振作。

阿倫之後笑言覺得潘Sir不但感性,亦有性感的一面:「好多時我聽你講波,覺得你說話講得好到肉,好型,所以下次講波不如你試吓唔着衫,可能仲型!」最後阿倫帶領大家唱出經典歌曲《愛情陷阱》,讓作品展在熱鬧的氣氛下畫上句號。