蕭正楠心急結婚唔想等

蕭正楠自公開與黃翠如的戀人關係後,事業如魚得水,對於婚期他表示等唔切,明言不會以工作目標訂作娶妻時機。而以歌手身份出道的他,現時則愛上拍劇,更將拍劇放於首位!

蕭正楠(Edwin)跟女友黃翠如公開戀情,對於婚期Edwin笑言非常心急,但認為成家立室之事不應與工作掛鈎:「咁當然我希望係有一個好穩定嘅工作基礎先結婚,但就唔需要一定等到攞視帝、開番場演唱會先結,如果唔係唔知等到幾時,可能成世都唔使結婚!我覺得呢兩樣嘢唔應該拉埋一齊講,兩個人覺得要開花結果嘅時候就應該去做。」

灌溉愛苗

問到跟翠如BB是否已到要開花結果的階段,他笑言愛苗正在灌溉中:「依家播緊種,淋緊水啦!So Far都幾開心!」惟「相見好,同住難」,不少男女都會同居試婚,以免耽誤對方時間,但38歲的Edwin則謂人生漫漫長路,不急於一時,問到平日與翠如的相處方式,他讚對方並不刁蠻,亦沒有「公主病」的徵狀。

演技被嘲

Edwin當初是以歌手身份出道,問到有否想過會踏上演戲路,他笑言從未想過,並大爆當時曾被同事狂笑其演技:「真係估唔到條路會咁行,喺唱片公司仲畀人話拍嘢拍得幾差!」今年早已接了兩部電視劇的Edwin,直指已無暇兼顧其他方面,並坦言會將拍劇放首位:「電影啲期真係好難就,咁我當然會放電視劇第一位!其他唱歌、登台嘅Show都會等時間許可先去做。」

文:專案組

攝:黎志輝