牛雜妹多人吼 密斟入娛圈
一眾港姐大熱人選包括十優狀元「高挑Charlie」麥明詩、「谷胸心悠」Celine等均入圍港姐第二輪面試，但Celine昨晚突然在社交網宣布退選！而首輪面試後被熱議的「牛雜妹」李美琪（Monnie）及「長髮妍希」Kianny雖雙雙落選，但兩人的星途均被看好，Monnie前晚與娛樂公司負責人食飯傾合作，Kianny昨亦三點式現身沙灘晒身材！
首輪面試後成焦點的「牛雜妹」Monnie前日宣布無緣第二輪面試，令人大跌眼鏡，但她贏盡網民歡心，被睇好星途順風順水！懷抱演員夢的她前晚相約娛樂公司負責人Vics於銅鑼灣一餐廳會面，據知對方是信星娛樂負責人，旗下藝人包括段隆臻及鄺芷凡等，他透露有心與Monnie簽約：「之前都考慮過，依家佢成為全城熱話，想搵佢再傾。知佢畀人批評都有鼓勵佢，佢想做演員，打算辭咗廣告公司文員份工，現階段未傾實啲條件同合約內容，但好大機會成事。」
「熟客叫我畀心機」
記者上前問Monnie是否傾簽約時，她承認有興趣：「了解多啲Details先，對方畀咗好多Offer我，我仲係好新，唔需要太急。」問到落選一事，她謂開心比失落多：「唔開心一定有，當初鼓起勇氣First in，各方面條件唔係最好，但發覺好多人關心我，喺背後默默支持，舖頭熟客都叫我畀心機，令我好開心！」
睇好麥明詩奪冠
另外，「長髮妍希」Kianny亦因清純標致外貌成為網民熱捧對象，昨日無緣第二輪面試的她心情未受影響，更相約朋友到沙灘玩水，穿上比堅尼騷Quali，記者上前訪問她亦大方回應：「入選嘅一定有佢哋自己優勢，我唔會理是非，試過就算喇，我心情OK，有機會拍戲都想試。」問到她的心水人選時，她亦表示睇好麥明詩拎冠軍！
港姐等你起底
爆料熱線：3600 1022
爆料傳真：3600 1000
爆料email：ent@on.cc
文：專案組、影視組