梁漢文街頭實拍當MV

歌手梁漢文（Edmond）將於8月11、12日假紅館舉行《梁漢文紅館中場表演2015》演唱會，忙於為個唱揀歌、編排外，仍不忘炮製新歌，早前他以拍紀錄片方式走到銅鑼灣鬧市隨意拍新歌MV，期間遇上一隊街頭表演組合自彈自唱時駐足欣賞，他說：「好鍾意睇街頭表演，對我嚟講呢個係另類舞台，喺街頭演出很自由冇壓力，呢個MV好啱請佢哋幾位街頭表演者一齊拍。」

Edmond的新歌名叫《主角一號》，他謂其實從事任何行業，都有機會當上主角，而當晚他的出現就引來一陣哄動，歌迷、市民不斷舉機「集郵」，是晚Edmond成為廣大市民的「男一」。