JM要親民 發哥：改英文名就得！

發哥：「喂！咁你改吓個英文名啦！改英文名就得喇！你姓文o架嘛！改做『Chan Man』、『Chan Man』！咪親民囉！（JM：變咗陳曼喎咁！）改咗個英文名，以後你就係『親民』囉！人哋叫你『文親』？唔係！你話我係『親民』，『Chan Man』！」

靠砒霜養顏

JM：「點解發哥可以keep得咁年輕又咁英俊呢？點解可以keep得咁好，有咩獨特嘅秘方呢？」

發哥：「呢個有啲秘訣，但唔好亂學，我聽啲古方咋！少少砒霜，砒霜有毒，開幾萬分之一，開一公升嘅水，滴萬分之一嘅砒霜，（JM：用砒霜開水呀？）係咁易，即係你見到啲噴劑嗰點滴落水度，唔係要嚟飲，係要嚟搽！（JM：搽砒霜？）或者搵少少防腐劑，一萬比一，開稀佢，係咁抹一抹，但我就冇用，因為靠唔住，街邊人講嘢我唔信。（JM：哈！講完但你唔用嘅！）最緊要你做多啲運動，食嘢要健康，唔好食咁多垃圾嘢！就係咁簡單。」

JM	風趣的發哥教JM用砒霜美顏，但又笑言靠唔住。

唔收錢鬥戲

JM：「唔知我有冇機會同你合作呢？你都係我偶像嚟o架！」

發哥：「你就客氣啦！點會冇機會呢！你只要同啲製作公司講，有發哥嘅我唔收錢都嚟，咁咪得囉！」

JM聆聽發哥的解答時一直笑不攏嘴，心情勁high，大讚發哥超級風趣，她說：「係呀！我唔收錢都嚟，冇諗過發哥你係咁幽默，有呢個交流互動，我非常之興奮，因為我覺得好似你喺我隔籬咁，呢個節目非常得意，希望有一日真係有機會同發哥你合作，有對手戲啦！我會覺得好榮幸。」

文：陳偉立

採：龔凱欣

攝：秦健輝、林定兒