莊思敏太強勢 沈震軒頂唔順

藝人莊思敏及沈震軒(Sammy)前晚出席葉念琛監製新片煞科宴,提到莊思敏上載兩人拖手照,她笑言被對方fans詛咒,並指兩人太熟絡,很難真的拍拖,Sammy則笑好友太強勢,怕被對方食住。

莊思敏、沈震軒、鮑起靜、邵音音、李逸朗、陳慧敏、董敏莉及監製葉念琛等前晚到佐敦出席電影《碟仙碟仙》煞科宴,資深演員夏雨專程由外地返港撐場,至於「兩大鬼后」鮑起靜及邵音音上台前非常好傾,大合照時又惺惺相惜互讓中間位。

兜把星似SM

片中飾演情侶的莊思敏及Sammy沒有親熱戲兼遇靈異事件,莊思敏更直言被對方虐打:「冇激情戲呀!Sammy仲成日虐待我,大巴大巴星我,好似SM咁!哈哈!(享受?)唔係太enjoy。(驚畀李逸朗場車震戲搶鏡?)我同Sammy都試過啦!下次可能要玩新嘢,唔通要打野戰?」Sammy則表示拍攝期間要驚嚇狂嗌,一度失聲變「o靚坤」聲,撞正該幾日要宣傳歌曲,令他相當擔心。

嫌唔夠可愛

提到莊思敏在Instagram上載與背影男的拖手照,不少人認出該男子正是Sammy,她笑言fans以為他倆真的拍拖,前晚她解釋說:「有輯好出名嘅相叫Follow me,Sammy唔明,於是我哋影咗呢兩張拖手相,我甫相後,收到祝福,亦有詛咒,好多人叫我放走佢,我依家宣布,沈震軒係屬於世界嘅,放心啦!」問到可會考慮真拍拖?Sammy表示兩人相識多年已太好朋友,覺得思敏較襯如The Rock般的高大肌男:「佢個勢太強,我驚畀佢食住,其實佢係外剛內柔,我成日叫佢可愛啲。」

問莊思敏可會考慮Sammy?她笑說:「冇諗,識得太耐喇!我又好難答唔會,好尷尬,佢坐喺我隔籬咋!」兩人又徇眾要求,合照時重演「友誼手拖手」畫面。

文:影視組