薛凱琪送雨褸引歌迷創作

歌手薛凱琪(Fiona)昨日到電台宣傳新歌《所有下雨天》,修讀設計的Fiona為推動歌迷創意,早前在社交平台發起新歌創作:「畫畫又得、影相又得,總之主題係下雨天,勝出者會得到我親手畫嘅雨褸、水靴同埋海豚、殺人鯨DVD。」

問到是否親手將禮物送到歌迷手?Fiona說:「唔係,有好多都係內地歌迷,不過屋企依家積存好多雨褸,因為我晚晚都畫。」她透露稍後會到台灣、北京及上海三個月拍攝電影,由於有指房祖名身在北京,問到會否相約對方見面?Fiona說:「如果喺同一地方當然會約。(傳佢怕見人唔肯出街?)如果見到面會鼓勵佢。」