林子善笑Mark實戀情 詩詠：靚車配美人
鄭嘉穎購入法拉利辣跑冧陳凱琳（Grace），戀情日漸白熱化，他們的好友洪永城和林子善均替兩人高興，但表明不會催婚。嘉穎好友子善認為應順其自然：「（結婚）冇得迫喎！同埋佢哋好短時間啫！（對Grace的印象？）同佢唔熟喎！見過面打過招呼都OK嘅，大哥（嘉穎）鍾意就得啦！佢又唔係同我做人世。（戀情千真萬確？）應該係啦！平時大哥有緋聞做訪問都耍手擰頭，依家見到直頭好似mark實晒咁！」
嘉穎好友唐詩詠則說：「我哋一早知佢買車呢件事，佢有同我哋講，佢仲話得閒車我哋兜返轉！咁靚車配美人緊係好啦，我都希望佢開開心心，遊多啲車河啦！」而與Grace合作無綫劇《張保仔》的洪永城亦笑言：「我唔知佢哋嘅意願係咪結婚喎！Grace都係啱啱讀完書開始做嘢啫！（嘉穎年紀不小？）佢拍《天眼》時都好照顧我，但都要睇番兩個人係咪意念一樣先得嘅！（你同唐詩詠同佢鬥快？）唔會喎！愛情呢啲嘢邊有得鬥快o架！唔會因為外界眼光而鬥快，最緊要兩個人開心啫！」
