董敏莉自爆「黐脷筋」
藝人董敏莉（Monie）一直有在電台擔任DJ，懂說法語和英語的她希望可以接多些司儀工作。但她自爆有「黐脷筋」問題，她說：「應對同反應方面係要靠經驗去累積！但因為自己本身有啲黐脷筋，好多時候講嘢條脷幅度陏得好細，所以睇吓今年會唔會做『剪脷筋』手術！令自己嘅司儀工作發展得好啲！」
談到大家聽不出她有「黐脷筋」時，她說：「我其實花咗好多心機去掩蓋，講嘢個嘴要張到好大先咬得清啲字，但工作嘅時候，要顧及儀容，個口太大都驚會嚇親大家！」至於為何突然會有做手術的念頭，她說：「其實好多年前家庭醫生就同我講過呢個問題，當時對我打擊都好大，因為由細到大都唔知！不過最搞笑係佢同我講話『你黐得唔錯，唔係好覺！』所以我就擺低咗，冇理到！依家希望向司儀方面發展，希望做手術可以有幫助！」
場地：Mira Moon Hotel
髮型：Shy Wong@LA Mod
服裝：b+ab