Ricky：分居反口 因有人冇面

Ricky接受本報電話訪問時回應說：「其實我同太太感情出問題已經一段時間，你哋見演唱會佢冇出現就知咩事啦！我喺幾個月前已經同佢提出分居，畀咗好多offer佢，上星期我先搬走咗，係因為自己信風水，睇咗好耐樓先搵到一間啱嘅搬，但我同佢嘅問題已經好耐。」

聲言分房瞓好耐

兩夫婦離婚是否有第三者？Ricky即撐夢夢說：「絕對唔關戴夢夢事，我同夢夢上星期先真係開始交往拖手，但識夢夢就好多年，所以，太太同傳媒講嘅嘢係唔脗合。」他指自己可能年紀太細結婚，近幾年夫婦兩人為很多家事鬧意見，他一直忍讓，現已忍無可忍階段先分居。

Ricky強調未向太太提分居前，兩人已經分房瞓一段時間。是否有人不肯簽分居紙？他說：「因為係有啲財產同樓嘅嘢未分配得好。（太太向傳媒爆料點睇？）有人覺得冇面囉，用呢個方法想將我置諸死地。」

不過，有指Ricky太太自稱日前睇報道才知是「被分居」？Ricky則說：「當初同太太講分居時佢係接受嘅，只係財產上分配未達成共識，先未簽分居紙。（你唔肯畀錢佢？）唔係，我將所有錢都畀晒佢，只係聯名嘅嘢先未分配到。（咁太太依家反口？）可能佢覺得冇面啦，亦可能近日嘅新聞觸動到佢神經。」Ricky指太太不愁生活，是位高權重的有錢人。據知，分居期間有人報警指居所被人入內偷竊一盞燈及兩支紅酒。

Ricky嫂唔係為錢

有指Ricky太太直斥戴夢夢是「小三」介入兩人婚姻，並兩度「捉姦」。記者昨日致電Ricky太太求證，提到Ricky聲稱已將所有錢交給太太，她還想要甚麼？Ricky太太透過短訊回覆：「請他拿出證明把錢給我，沒有！（Ricky答應咗？）他答應了嗎？我不知道。」

問她可有感到委屈？Ricky太太說：「沒關係，我沒有回應。我們廿幾年的感情不是為錢，錢打動不了我，我跟Ricky那麼多年不是為錢。」其後再追問有指她曾兩度「捉姦」，她「禪味」十足地以一張全黑色的圖片回覆。