陳凱琳約嘉穎陸續有嚟
鄭嘉穎兌現承諾相約陳凱琳（Grace）撐枱腳，女方約會後直認與嘉穎多了話題，呼籲大家給予他們多點空間，更預告這種飯局陸續有來。身為嘉穎「舊愛」的佘詩曼出席公開活動則不欲多作回應。
嘉穎與Grace因合作拍劇而漸生好感，嘉穎早前公開表示會約Grace撐枱腳加深彼此了解。日前他相約女神往金鐘歎西餐，期間細心鋸豬肋骨「餵飽」Grace，全程被本報獨家直擊，搞到嘉穎一臉無奈，Grace則O嘴不懂反應，最後由後門逃之夭夭。
唔會去隱蔽地方
Grace昨日接受電話訪問時稱：「之前都講咗會約食飯認識吓大家啦，冇乜大不了，希望畀啲空間我哋。食餐飯好普通，唔使刻意去隱蔽地方，希望下次大家見到唔好大驚小怪。（首次食飯有冇增進感情？）係多咗傾偈，但食到一半記者入咗嚟影相，冇耐我哋埋單走人。（嘉穎好man咁保護你喎。）佢都係禮貌咁同記者講『可唔可以畀我哋安安樂樂食飯』啫。」
嘉穎「舊愛」阿佘昨日出席環保活動，當被追問嘉穎的新聞時，她笑謂：「唔回應喇，大家多多支持環保啦。」不過提到歐陽震華不獲無綫續約，她即滔滔不絕稱：「佢啲劇收視好好，佢係福將，無綫搵佢扮財神，我接受唔到佢喺第二個台出現。」阿佘又稱與無綫的合約明年約滿：「依家接觸緊，我覺得發展、做得開唔開心先係考慮條件。」她希望於影壇作多方面發展，目前亦有其他公司向她招手。
文：影視組