港姐轉戰日本 蔡思貝:最緊要安全

「2015香港小姐競選」今日截止報名,今年大會睇準韓風勁,即以赴韓國接受著名事務所專業藝人訓練,作為賣點來吸引女仔報名,但近日南韓新沙士肆虐,疫情不斷蔓延,無綫有感事態嚴重,即召開緊急會議商討,最後認為風險太大而決定取消韓國之行,改為下月初到日本取景,由於事出突然,無綫亦急急派員與日本娛樂演藝公司聯繫,幸好短時間已有公司表示支持,現時積極挑選中,而無綫也邀得日本藝人於賽事舉行當晚擔任表演嘉賓。

曾表示想跟大隊到首爾拍外景的前港姐蔡思貝,對於無綫的決定表示支持,她謂:「最緊要係參賽者人生安全同健康問題,如果真係去咗當地,佢哋家人同朋友都會好擔心,其實港姐每年外景拍攝都係賣點之一,相信公司好快會有安排,自己都好期待。」另一前港姐黃心穎則說:「都覺得可惜,因為今次培訓學校好優秀,但相信公司會有Plan B。公司為咗佳麗同工作人員健康有咁嘅決定係好啱,如果冇健康咩夢想都完成唔到。」