藝人曾國祥早前偕同邵音音等接演網劇《我的老千生涯》，戲中扮演老千的他透露：「跟師傅學千術，點知對方一掂我隻手就話唔掂，最終開工要出動『替手』。（你最叻千人個心？）咩呀？係我個心畀咗人哋。（邊個？）王敏奕呀。」大放閃光彈！
問到欣賞女友甚麼時，曾國祥冧爆：「佢對我好、好錫我！（佢好似要離港公幹喎。）仲喺屋企。（你屋企？）係，遲啲咪大家飛嚟飛去見面囉，呢行係咁啦。（諗結婚？）我哋感情穩定，但未咁快，大家都會以工作行先。」
