音樂人雷頌德昨日以青年創業大使身份出席活動，他笑言自己可作為青年創業的反面教材：「我鍾意設計，曾經做過時裝生意，無論成功或失敗，過程都係一個學習。其實個構思冇問題，可能係做嘅方式錯咗。（蝕咗好多錢？）未到蝕本地步，但我嘅時間好寶貴，覺得回報唔夠高，辛苦做完係捱貴租，不如用啲時間喺其他方面搵錢。」
雷頌德又稱去年跟一間公司合作，由對方接生意，自己只需負責擅長的設計便可以，成績不俗。而同場有蔡加敏丈夫馬鴻銘。
