Rosemary 12月公主嫁到
早前名模Rosemary宣布跟與印度籍男友Jason拉埋天窗，婚禮細節籌備當中，前晚她出席活動時就透露婚期已定於今年十二月，並會於男友家鄉印度舉行，更選址於當地王宮行禮，恍若公主豪華出嫁！
「翻版關之琳」Jocelyn及Anthony為尼泊爾災民籌款，前晚特別舉辦籌款活動，一班圈中模友現身撐場，包括樂基兒、陳嘉容及姚書軼等。其中近日忙於籌備婚禮的Rosemary就單拖撐場，她說未婚夫Jason在西班牙公幹未能同行。記者追問其婚禮進展如何？她興奮表示：「定咗喺12月，會喺聖誕前。（喺邊度搞？）印度，一定會好正。（會唔會喺香港搞？）只係喺一個地方搞。原來真係有好多嘢要準備，我依家好尊重每一位新娘。」
希望媽咪觀禮
問她媽咪會否去觀禮？Rosemary說：「佢未覆實會嚟，因為佢身體都唔係幾好，我唔想畀壓力佢，都要顧及佢嘅健康情況，或者拍片再傳畀佢睇。」Rosemary又透露婚禮會在當地一王宮內舉行，由於王宮只有44間房，故只會邀請約100名親友出席；問到費用會否很昂貴？她說：「都唔平，不過我哋覺得喺呢個地方搞係最好嘅，遲啲可能會喺香港搞個小型雞尾酒會。」
Jocelyn想籌40萬
而搞手Jocelyn及Anthony就表示會透過拍賣及慈善晚宴，為尼泊爾的災民籌款，暫時已籌得25萬，目標希望籌到40萬，由於二人在當地興建了學校，因此對尼泊爾有份深厚感情，雖然現時學校已倒塌，但幸好所有學生安全。此外，「玩具大王」蔡志明媳婦汪圓圓就帶病出席，她透露身邊的數名保鏢也是尼泊爾人，覺得同自己都有密切關係。圓圓又表示近日患上感冒，因此不敢親吻囡囡，她說：「我好想錫佢，依家唔敢錫，幫佢沖涼嗰陣我都戴住口罩。」
文：名人組