黃芷晴買衫太多 家人投訴

藝人黃芷晴昨日在九龍灣出席商場活動教襯衫。身穿粉紅色裙的她就直言喜歡買平衫。雖然家人投訴她買得太多，但不介意為她開闢空間放衣物：「啱啱搬咗新屋，爹哋、媽咪都話應該畀個衣帽間我擺衫。」
黃芷晴
黃芷晴

問芷晴是否自小喜歡襯靚衫？她就笑稱得到媽咪遺傳：「初初入行唔知自己個形象係點，佢甚至會買啲衫畀我。我自己就鍾意素色衫，佢就話上鏡冇乜色，仲話最好紅、橙、黃、綠、青、藍、紫都有一件擺喺度。」提到她父親節能否陪爹哋黃日華，正趕拍內地劇《只有情永在》的她就希望屆時能抽到時間。